Тікелей эфир

Италияның Måneskin рок-тобы "Евровидение-2021" жеңімпазы болды

Сурет ғаламтордан алынды
Сурет ғаламтордан алынды
Ресейлік әнші Manizha тоғызыншы орынға ие болды.

Нидерландыда "Евровидение" ән байқауы аяқталды. Оның жеңімпазы итальяндық Maneskin тобы болды, деп хабарлайды конкурсты ұйымдастырушының сайтында.

Финалда барлығы 26 елдің өкілдері өнер көрсетті. Жеңімпаздар Zitti e buoni әнін орындады ("Тыныш және бейбіт").

Швейцария қазылар алқасының дауысын жеңіп алды, ал Италия тек төртінші орынға ие болды деп хабарланды. Бірақ итальяндық рок-тобы қоғамдық дауыс беруде көп дауысқа ие болып, жалпы 529 ұпаймен, Швейцарияны Франциядан кейін үшінші орында қалдырды.

Måneskin – құрамына вокалист Дамиано, басист Виктория, гитарист Томас және барабаншы Итан кіретін, сыншылардың жоғары бағасын алған топ. Олар топтарының атауын өздерінің басисті Викторияның туған жеріне деген құрмет ретінде, даттың "ай сәулесі" сөзінен алған.


Оқи отырыңыз: Роттердамда Евровидение басталды. Шараға қатысушылар арасынан коронавирус анықталды


Екінші орынды Францияның әртісі Барбара Прави Voilà әнімен иеленді.

Ресейден әнші Маnizha өнер көрсетті. Ол таңдаған  Russian Woman әні бұрын әлеуметтік желілерде пікірталас тудырды. Сыншылар әнді орыс тілінде орындау, байқау аудиториясына түсініксіз болуы мүмкін екенін атап өтті. Нәтижесінде ресейлік әнші өзінің орындағаны үшін 204 ұпай жинап, тоғызыншы орынға ие болды.

Байқау аяқталғаннан кейін Manizha өзінің өнер көрсеткенін мақтан тұтатынын және әнді орындау кезінде көрермендердің қолдауын сезінгенін айтты. Бұл туралы ол "Бірінші арна" эфирінде айтты.

"Мен үшін ең бастысы – сахнада 100 пайызға өнер көрсету болды. Мен оны жасадым және өзімді мақтан тұтамын", – деді Manizha.

Сегізінші орынды литвалық The Roop тобы Discoteque әнімен (220 ұпай), оныншы орынды – Грекияның өкілі Стефания Либеракис Last Dance әнімен (170 ұпай) алды.

Біздің Telegram-каналдағы ең көп оқылған жаңалықтар
Серіктестер жаңалықтары