Тікелей эфир

Ақмола облысында белгісіз аурудан мал қырылып жатыр

Біржан сал ауданында 15 күнде кеселден өлген мал саны 40-тан асса, 2 мыңға жуық сиыр ауру жұқтырған.

Ақмола облысында белгісіз мал ауруы тарап, ірі қара жаппай қырылып жатыр. Бір ғана Біржан сал ауданында соңғы 15 күнде кеселден өлген мал саны қырықтан асса, 2 мыңға жуық сиыр ауру жұқтырған, деп хабарлады 31 арнаның Информбюро ақпараттық бағдарламасы.

Тұрғындардың айтуынша, малдың аузынан ақ көбік ағып, көп ұзамай өліп қалады екен. Алайда аудандық ветеринария қызметі ірі қарада жиі кездесетін ауыз қуысының шырышты қабатының қабынуы, аусыл сияқты аурулардың вирусын таппаған. Соған байланысты мамандар төрт түрлі ауру белгісі бар малдан сынама алып, Нұр-Сұлтандағы зертханаға жіберген.

Белгісіз кесел ауданның бір-біріне жақын орналасқан елді мекендерінде көп тіркеліп жатыр. Қазіргі таңда Біржан сал ауданындағы 10 ауылда төрт түлікті аман алып қалу үшін мал дәрігерлері емдеу шараларын жүргізуде. Алайда дәрі-дәрмекті мал иелері өздері сатып алуы тиіс. Олардың айтуынша, ауырған ірі қараға салынатын екпенің бағасы қымбат. 7 мың теңге тұратын екпенің бір дозасы тек бір малға ғана жетеді.


Оқи отырыңыз: 


 

Біздің Telegram-каналдағы ең көп оқылған жаңалықтар
Серіктестер жаңалықтары