Дархан Сатыбалды Түркістан облысының әкімі болып тағайындалды

31 тамыз 2022, 11:48 Авторға хат жазу قازاقشا Qaz

Президент Өмірзақ Шөкеевтің отставка туралы өтінішін мақұлдады.

Мемлекет басшысы Түркістан облысының әкімін тағайындады.

"Дархан Амангелдіұлы Сатыбалды Түркістан облысының әкімі болып тағайындалсын, ол Қазақстан Республикасының Өзбекстан Республикасындағы Төтенше және Өкілетті Елшісі лауазымынан босатылсын", – деп жазылған президент бұйрығында.

Айта кетейік, 24 тамызда облыстың бұрынғы әкімі Өмірзақ Шөкеев қол астындағы қызметкер, Кентау қаласының бұрынғы әкімі Дәурен Махажановқа қатысты сыбайлас жемқорлық бойынша сот үкімі күшіне енгеннен кейін отставкаға кету туралы өтініш жазған.

Дәурен Махажанов ірі көлемде пара алғаны үшін 10 жылға бас бостандығынан айырылды.