Тікелей эфир

Несиенің ай сайынғы төлемін кешіктірген жағдайда не істеу керек?

Азаматтарға ыңғайлы болу үшін қарыз алушылар өтініштерді жазбаша да, қашықтан да бере алады.

Қарыздар мен микрокредиттерді өтеумен байланысты қиындықтарға тап болған қарыз алушылардың құқықтарын қорғау үшін биылғы 1 қазаннан бастап банктер мен МҚҰ үшін азаматтардың мерзімі өткен берешегін реттеудің міндетті тетігі заңнамалық түрде енгізілді, деп хабарлайды naryk.kz сайты.

Проблемалық берешекті реттеу рәсімін бастау үшін қарыз алушы кредиторға, яғни банкке немесе МҚҰ-ға тиісті өтінішпен жүгінуі тиіс. Өтініште растайтын құжаттар қоса беріле отырып, ТАӘ, ЖСН, байланыс деректері, қарыз туралы мәліметтер, мерзімін өткізіп алудың туындау себептері көрсетілгені жөн. 

Азаматтарға ыңғайлы болу үшін қарыз алушылар өтініштерді жазбаша да, қашықтан да, яғни ресми интернет-ресурстар және кредитордың электрондық поштасы арқылы банктер мен МҚҰ-ның бөлімшелеріне бармай-ақ бере алады. Қосымшада электрондық түрде өтініш беруге қажетті банктер мен МҚҰ-ның мекенжайлары мен байланыс деректері көрсетілген.


Оқи отырыңыз: Несие шартына қол қоярда неге назар аудару керек?


Өтініш пен растайтын құжаттарды алған күннен бастап күнтізбелік 15 күн ішінде банктер мен МҚҰ борышкердің қаржылық және әлеуметтік жағдайын жеке тәртіппен талдайды. Көрсетілген мерзімде қарыз алушыға банктің немесе МҚҰ-ның қарызды қайта құрылымдау талаптарымен келісетіні туралы хабарлануы тиіс.

Кредитор қарызды қайта құрылымдау талаптары бойынша келіскен кезде банктер мен МҚҰ келесі күнтізбелік 15 күн ішінде қарызды немесе микрокредитті өтеудің жаңа кестесін қабылдай отырып, қарыз немесе микрокредит шартының талаптарына қажетті өзгерістер енгізуге міндетті.

Банктік қарыз немесе микрокредит шартының талаптарын өзгерту туралы өзара қолайлы шешімге қол жеткізілмеген жағдайда, қарыз алушы қаржы нарығын реттеу және дамыту агенттігіне жүгінуі керек. Қарыз алушының өтініші негізінде агенттік қаржы ұйымына қатысты құжаттамалық тексеруге бастама жасайды, оның шеңберінде кредитордың проблемалық берешекті және қарыз алушылардың құқықтарын реттеу процесіне қойылатын заңнамалық талаптарды сақтауына талдау жүргізетін болады.


Оқи отырыңыз: Банктен қарыз алмас бұрын нені білген жөн? Несиеге қатысты 15 сұраққа жауап


Агенттікке азаматтар мынадай тәсілдермен жүгінулеріне болады:

  • Қазақстан Республикасының электрондық үкімет порталы арқылы, "электрондық өтініштер" сервисінде "онлайн қызметке тапсырыс беруді" таңдау қажет және растайтын құжаттарды қоса бере отырып өтініш мәтінін толтырыңыз;
  • eOtinish электрондық сервисінің көмегі арқылы. Өтініш беру eGov қосымшасы арқылы жүзеге асырылады, "Өтініш беру" сервисінде "өтінішті" таңдаңыз және өтініш мәтінін толтырыңыз;
  • агенттіктің мекенжайы бойынша жазбаша нысанда: А15С9Т5, Алматы қ., Көктем-3 ш/а, 21-үй;
  • агенттіктің өңірлік өкілдер басқармасына, мекенжайларын мына сілтемеге өту арқылы табуға болады;
  • банктер мен МҚҰ мекенжайлары мен байланыстарын гиперсілтеме бойынша табуға болады.
Біздің Telegram-каналдағы ең көп оқылған жаңалықтар
Серіктестер жаңалықтары