1 наурыздан салық төлеуші паспорты міндеттеледі. Оны қайдан және қалай алуға болады?

1 наурыздан бастап сауда және қоғамдық тамақтандырумен айналысатын кәсіпкерлерге салық төлеушінің паспорты енгізіледі.

2021 жылғы 20 желтоқсанда Салық кодексіне енгізілген өзгерістерге сәйкес, "салық төлеушінің тпаспорты" деген жаңа ұғым енгізілді. Ол не және оны қайдан алуға болады? Informburo.kz түсіндіреді.

№1. Салық төлеуші паспортын кімдер алуы қажет?

Заң бойынша, қоғамдық тамақтандыру және сауда саласында қызмет көрсететін кәсіпкерлерге салық төлеушінің паспортын алу міндет.

№2. Паспортта қандай ақпарат болуы шарт?

Паспорт QR коды түрінде жасалады. Онда салық құпиясына жатпайтын деректер болады, атап айтқанда:

  • ЖСН/БСН;
  • жеке кәсіпкердің немесе заңды тұлғаның атауы;
  • жеке кәсіпкердің немесе заңды тұлға басшысының тегі, аты, әкесінің аты (егер ол жеке басты куәландыратын құжатта көрсетілсе);
  • салық төлеушінің мәртебесі – әрекет ететін, әрекет етпейтін, салықтық есептілікті ұсынуды тоқтатқан
  • тiркеу есебiне қойылған күн, тiркеу есебiнен шығарылған күн;
  • бақылау-касса машинасының салық органындағы тіркеу нөмірі, бақылау-касса машинасын пайдалану орны;
  • алкоголь өнімін сақтауға және бөлшек саудада өткізуге арналған лицензияның болуы немесе болмауы (өндіру аумағында оны сақтау және бөлшек саудада өткізу жөніндегі қызметті қоспағанда).

№.3 QR кодын қайда қою керек?

Салық төлеушінің паспортын қоғамдық тамақтандыру және сауда салаларында қызметін жүзеге асыратын салық төлеушілер тікелей бақылау-касса машиналары тұрған және халыққа хабар беру үшін жалпыға бірдей қолжетімді орындарда орналастырады.

№4. QR кодын қанша уақытта жаңарту керек?

Салық органы салық төлеуші паспортындағы мәліметтерді айына бір рет есепті айдан кейiнгi айдың 15-інен кешiктiрілмейтін мерзімде қалыптастырады. Ол уәкілетті органның сайтында жарияланады.

№5. Паспортты қалай алуға болады?

Кодты алу үшін:

  • Мемлекеттік кірістер комитетінің порталындағы "Ақпараттық қорлар" бөліміне өтіп, "QR-кодын қалыптастыру" батырмасын басыңыз;
  • басқаннан кейін кодтарды генерациялау  сайты ашылады. Мұнда сізге қызмет көрсету тілін таңдап, "QR код алу" түймесін басу керек;
  • осыдан кейін телефон нөмірін енгізіп, "Кодты жіберу түймесін басасыз;
  • "Растау" терезесі ашылғанда телефон нөміріңізге келген кодты енгізіп, "растау" түймесін басу қажет.

Оқи отырыңыз:


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары