2023 жылдың басында Үкіметте ауыс-түйіс болады

29 желтоқсан 2022, 13:35 Авторға хат жазу قازاقشا Qaz

Тоқаев кадрлық өзгерістерді премьер-министрдің ұсынысы бойынша жасамақ.

Мемлекет басшысы Қасым-Жомарт Тоқаев Сенатта сөйлеген сөзінде Жаңа жылдың басында Үкіметте бірқатар кадрлық өзгерістер жасау жоспары бар екенін хабарлады.

"Мен жақында өткен Үкімет отырысында бұл мәселе бойынша нақты айттым. Еліміз үшін өте маңызды бірқатар мәселе бойынша Үкімет лайықты белсенділік көрсетіп отырған жоқ, шешімдерін баяу қабылдап жатыр. Үкімет осы олқылықтарды түзету үшін әрекеттерін қолдануда, таяу арада оның жұмысының тиімділігі артады деп ойлаймын. Премьер-министрдің ұсынысы бойынша Жаңа жылдың басында Үкіметте бірқатар кадрлық өзгерістер жасамақшымын. Жалпы, Үкіметтің алдында тұрған мақсаттар – өте ауқымды және өзекті", – деді Қасым-Жомарт Тоқаев.