31 арна әлемдік және отандық үздік фильмдерді көрсетеді

Әлемдік киностудиялардың және қазақстандық киногерлердің үздік фильмдері 31 арна эфиріне оралады. Көрерменнің талғамына орай, ең таңдаулы деген фильмдер іріктеуден өтіп ұсынылады.

Арна туындыларын ұсынатын киностудиялар қатарында Sony Pictures Entertainment, Walt Disney Company, Metro-Goldwyn-Mayer сынды әлемдік деңгейде танымал кинокомпаниялар бар.

"Бұған дейін көрермен жүрегіне жол тауып, жоғары киножүлделерге ие болған туындылар көпшіліктің көңілінен шығатынына сенім мол. Сондай-ақ, отандық режиссерлердің де шытырман оқиғаларға толы кинотуындылары көрсетіледі. Жанрлар да әр түрлі. Драма, фантастика, заманауи комедия да бар", – деп хабарлады арна қызметкерлері.

31 арнаның жаңа бастамасы оқушылардың жазғы каникулымен сәйкес келіп отыр. Бұл – демалыс кезінде ата-аналар мен балалардың уақытын қызықты да тиімді өткізуіне таптырмас мүмкіндік.

Оқи отырыңыз: 

• "Бекзат", "Жақсылық", "Балуан Шолақ". Қазақ спортын арқау еткен 10 кинотуынды
• "Матрица - 4", "Болашақ соғыс", "Дюна". Биыл жарыққа шығатын 6 фантастикалық фильм
• Соңғы 10 жылда қазақстандық прокаттағы ұлттық кино үлесі он есе өскен