74,7 миллион теңге жымқырған: Жетісу облысында әкімдік қызметкері сотталды

17 қазан 2024, 17:10 Авторға хат жазу قازاقشا Qaz

Сотқа дейінгі тергеп-тексеру басталып, іс сотқа дейін жеткізілді.

Жетісу облысында аудандық тұрғын-үй коммуналдық шаруашылығы бөлімінің басшысы мен мердігер ұйымның директоры сотталды, деп хабарлайды Жетісу облысы прокуратурасының баспасөз қызметі.

Белгілі болғандай, Сарқан аудандық тұрғын үй коммуналдық шаруашылығы бөлімінің басшысы мен мердігер ұйымның директоры туристтік объектілердегі санитарлық-гигиеналық тораптарды орнатуға арналған 74,7 миллион теңге бюджет қаражатын жымқырған.

Оқи отырыңыз: Жетісу облысында емхана медбикесі науқастардың атынан несие алған

"Прокурорлық тексеріс арқылы объект іске қосылмағанын, ал бөлінген қаражат шығындалып кеткенін көрсетті. Сарқан ауданының прокуратурасымен сотқа дейінгі тергеп-тексеру басталып, іс сотқа дейін жеткізілді. Сот үкімімен аудандық тұрғын үй коммуналдық шаруашылығы бөлімінің басшысы мен мердігер ұйымның директоры түрлі мерзімдегі бас бостандығынан айыру жазаларына сотталды. Сот үкімі заңды күшіне енген жоқ", – делінген хабарламада.