8 шілде – Арапа, 9 шілде – Құрбан айттың бірінші күні

Биыл Құрбан айт мерекесі 9 шілдеде басталады, деп мәлімдеді Қазақстан мұсылмандары діни басқармасының төрағасы Наурызбай қажы Тағанұлы.

Бас мүфти Һижри жыл санауы бойынша 1443 жылдың зұлхижжа айының басталуы 30 маусым болып бекітілгенін айтты. Ал Арапа күні 8 шілдеге сәйкес келеді. Осылайша 9 шілде – Құрбан айт мерекесінің бірінші күні.

"Алла Тағала елімізге амандық, жұртымызға тыныштық бергей. Ізгі ниетпен шалатын құрбандығымыз, қажылық сапарында жүрген жерлестеріміздің қажылығы қабыл болғай" – деді Наурызбай қажы Тағанұлы.

Құрбан айт намазынан кейін 3 күн ішінде жағдайы келген мұсылманға құрбандық шалу – міндет.

Оқи отырыңыз: 

• Жылқы мен құс неге құрбандыққа жарамайды? Құрбан шалушыға арналған 12 маңызды мәлімет
• Камриден қымбат қошқар. Гиссар тұқымы Қазақстанның қой шаруашылығын дамыта ма?