"9 миллион теңге". Шымкентте сыбайлас жемқорлықты әшкерелеген бес азаматқа сыйақы берілді

3 қазан 2024, 16:18 Авторға хат жазу قازاقشا Qaz

Шымкенттік тұрғындардың бұл әрекетінен кейін қылмыскерлер құрықталған.

Шымкентте сыбайлас жемқорлық әрекеттері туралы құзырлы органдарға дер кезінде хабар жеткізген бес азаматқа 9 миллион теңгеге жуық сыйақы берілді.

"Шымкенттік тұрғындардың бұл әрекетінен кейін қылмыскерлер құрықталған. Ал өткен жылы Шымкентте жеті ақпарат берушінің арқасында оңай олжа тапқысы келгендер қолға түскен", – делінген хабарламада.

Айта кетейік, бір жолғы ақшалай сыйақы ұсынылған пара сомасының 10 пайызын құрайды. Бұл қаржы кінәлілерге сот үкімі шығарылғаннан кейін беріледі.

Оқи отырыңыз: Мұғалімдерге қанша теңгенің гүлін сыйлауға болады? Антикор жауап берді

Сонымен қатар ақпарат берушілер туралы мәліметтер ешқайда жарияланбайды, құпиялығы сақталады.