Абай облысының ауылында төтенше жағдай: Сібір жарасы таралуы мүмкін деген күдік бар

20 қыркүйек 2023, 10:29 Авторға хат жазу قازاقشا Qaz

Бесқарағай ауданы, Жетіжар ауылының тұрғыны сібір жарасы ауруына шалдыққан деген күдікке ілінді.

Облыс әкімдігінің мәліметінше, науқас ПТР тестінен өтті, қазіргі уақытта ауру расталмады.

"Төтенше жағдайлардың алдын алу және жою жөніндегі жоспардан тыс облыстық комиссияның отырысында халықтың қауіпсіздігін қамтамасыз ету мақсатында жергілікті ауқымда табиғи төтенше жағдай жариялау туралы шешім қабылданды. Қазіргі таңда Жетіжар ауылының кіре берісіне санитарлық бекет орнатылып, ауылдан ауыл шаруашылығы өнімдерін шығаруға уақытша шектеу қойылды", – деп жазылған хабарламада.

Сондай-ақ, жағдайдың себептерін анықтау үшін аудиторлық жұмыстар жүргізіліп жатыр.

Оқи отырыңыз: Қазақстанда өткен аптада 355 төтенше жағдай болды.

Сібір жарасы ауа тамшылары арқылы таралмайды. Жара ауру малдың еті, тері, жүні немене ластанған тағамдар мен ауыз суды ішіп-жеу арқылы жұғуы мүмкін.