«Ағаштарды кесіп тастады». Алматыдағы саябақтың орнына ақылы автотұрақ салынды

Алматы қаласының мамандандырылған ауданаралық экономикалық сотында жер ресурстарын басқару Департаментінің "К" ЖШС-не нұсқаманы орындауға міндеттеу туралы талап арызы бойынша азаматтық іс қаралды.

2022 жылдың желтоқсан айында Департаменті жүргізген тексеру барысында «аумақты көгаландыру» мақсатындағы жер телімін меншік иесі басқа мақсатта пайдаланған. Жоғарыда аталған мекеме жер теліміне ақылы автотұрақ ұйымдастырып, жасыл желектерді жойып жіберген.

"Заңнамаға сәйкес, егер меншік иесі жер учаскесінің нысаналы мақсатын бұзса, мемлекеттік уәкілетті органдар бұзушылықтарды жою және оның мақсатты түрде пайдаланылуын қамтамасыз ету бойынша шаралар қабылдайды. Жер учаскесiн пайдаланудың бұзылған режимiн қалпына келтiру үшiн, жер саясатын қадағалауға жауапты мемлекеттiк орган жер учаскiсінен нысаналы мақсатта пайдалануын бұзуылғандығын жою туралы тиiстi нұсқама шағарған. Алайда, «К» ЖШС-і уәкілетті органның нұсқамын орындамаған", – деп жазылған хабарламада.

Оқи отырыңыз: Алматыдағы коммуналдық ақылы автотұрақтар көк түспен белгіленеді

Істің мән-жайын анықтай отырып, сот талап арызды қанағаттандырып, жауапкерге жер учаскесін мақсатты түрде пайдалану үшін шаралар қолдануды міндеттеген. Сот шешімі заңды күшіне енген жоқ.