Air Astana FlyArystan ұшағының зақымдалуына Астана әуежайын айыптады

7 тамыз 2024, 12:38 Авторға хат жазу قازاقشا Qaz

Астана әуежайында ұшақ бұзылды.

Air Astana компаниясы Астана әуежайында FlyArystan ұшағы зақымданғанын хабарлады.

"2024 жылғы 5 тамызда Астана әуежайының операторы FlyArystan ұшақтарының біріне зақым келтірді, соның салдарынан ұшақ бірнеше күн бойы мәжбүрлі тұраққа қойылды", – деп жазылған хабарламада.

Атап айтқанда, әуежай баспалдақтарын дұрыс қолданбау салдарынан ұшақтың артқы кіреберіс есігі зақымданған.

Оқи отырыңыз: Ұшақта жанжал шығарған Қайрат Нұртастың басы тағы дауға қалды

"Жөндеуге айтарлықтай қаржы жұмсалады, бірақ басты мәселе ол емес, бұл жағдай әуе компаниясының кестесіне, рейстердің орындалуына кері әсер етіп отыр", – дейді компания мамандары.

Air Astana Астана халықаралық әуежайды рейстердің уақытылы орындалуына кері әсер ететін факторларды жою үшін шұғыл шаралар қабылдауға шақырды.