Алғашқы жарна – 0 теңге: Жеңілдетілген автонесие шарттары айқындалды

Премьер-министрдің бірінші орынбасары Роман Скляр автокөлік сатып алуға арналған жеңілдетілген несиенің шарттарын атады. Оның айтуынша, автокөлікті жеңілдетілген несиемен беру бағдарламасына 100 млрд теңге бағыттау жоспарланып отыр. 

"Жеңілдетілген несиенің шарттары келесідегідей болады: несие жылына 4%-бен беріледі, бірақ алғашқы салымды төлеудің қажеті жоқ. Қазір де автокөлік несиесі жылына 4%-бен берілсе де, жүргізуші алғашқы жарна ретінде көлік бағасының 20 пайызын төлейтін еді. Ал жалпы несие жеті жылға берілетін. Осылайша біздің 71 мың азаматымыз жаңа көлікті тиімді бағада сатып ала алады", – деді Скляр. 

Еске салсақ, көлік пен ауыл шаруашылығы техникасына жаңа утиль алым мөлшерлемесі белгіленгені туралы хабарлаған едік. Утиль алымының мөлшерлемесі 50% төмендейді.

Оқи отырыңыз: 

• 4 пайыздық автонесие: Талапқа қандай көліктер сәйкес келеді?
• 4 пайыздық автокредит: Көліктерді қалай жеңілдікпен алуға болады?
• 4 пайыздық автокредит басталмай жатып, нарықта көлік бағасы күрт көтерілді