Алматы облысында 15 ауланы сел шайып кетті

16 шілде 2024, 10:07 Авторға хат жазу قازاقشا Qaz

15 аула мен 3 тұрғын үй су астында қалды.

Алматы облысы Жамбыл ауданының Беріктас ауылында толассыз жауған жаңбырдан кейін сел жүрді, деп хабарлайды ТЖМ баспасөз қызметі.

Осылайша 15 аула мен 3 тұрғын үй су астында қалды.

"Осы сағатта ТЖМ бөлімшелері мен жергілікті атқарушы органдар инертті материал салынған 2 мың қапшық дайындады. Сонымен қатар су басқан аумақтардан су сору және лайдан тазарту, арық жүйелерін тереңдету жұмысы жүріп жатыр. Жағдайға мониторинг жалғасып жатыр", – делінген хабарламада.

Бұл іске ТЖД, жергілікті атқарушы органдар, ТЖМ 28237 әскери бөлімінің жеке құрамынан 100-ден астам адам, 11 мотопомпа мен 16 техника жұмылдырылған.

Оқи отырыңыз: Қазақстанда тасқын басталғалы 3500 жуық тұрғын үйді су басты