Алматы облысында бала сатты деген күдікпен 38 жастағы әйел ұсталды

3 қыркүйек 2024, 18:16 Авторға хат жазу قازاقشا Qaz

Аталмыш топ әлеуметтік желідегі surak.baribar парақшасында бала сатумен айналысқан.

Алматы облысында бала сатты деген күдікпен 38 жастағы әйел ұсталды. Бұл туралы Polisia.kz хабарлады.

Қылмыстық топтың қызметін ұйымдасқан қылмысқа қарсы күрес басқармасының қызметкерлері тоқтатты.

"25 тамызда әлеуметтік желідегі surak.baribar парақшасында кәмелетке толмағандар мен жаңа туған сәбилерді заңды түрде асырап алуға көмектесеміз деген қылмыстық топ туралы жедел ақпарат түсті", – деді Алматы облысы ПД бастығы Бауыржан Әленов.

Оқи отырыңыз: Сәби аштықтан өлді: Екібастұзда анасына үкім шықты

28 тамызда жедел іздестіру іс-шаралары барысында күдікті Қызылорда облысының тумасы екені анықталды.

Кәмелетке толмағандарды сату дерегі бойынша қылмыстық іс қозғалды. Күдікті қамауға алынды. Қазіргі уақытта барлық қажет тергеу шаралары жүргізіліп жатыр.