Алматы облысында екі күдіктіден 24 келіден астам мефедрон тәркіленді

11 ақпан 2025, 18:24 Жазира Пірімқұл Авторға хат жазу قازاقشا Qaz

Оларға қатысты сотқа дейінгі тергеу жүргізіліп жатыр.

"Заң және Тәртіп" қағидатын іске асыру аясында ІІМ есірткі қылмысына қарсы іс-қимыл комитетінің қызметкерлері синтетикалық есірткінің өңірлерге таралуына жол бермеді, деп хабарлайды Polisia.kz.

"Алматы облысында есірткі заттарының заңсыз айналымын ұйымдастыруға қатысы бар екі күдікті ұсталды. 36 жастағы азаматтың үйінің сарайын тінту барысында 24 келіден астам мефедрон салынған қаптар табылды. Бұл препараттың мөлшері 72 мың бір реттік дозаға тең. Сонымен қатар 41 жастағы ұсталған адамнан белгісіз тапанша табылып, тәркіленді. Күдікті адамдар ұсталды. Оларға қатысты сотқа дейінгі тергеу жүргізіліп жатыр", – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.

Оқи отырыңыз: Абай облысында қала тұрғынын бопсалап, қарызды қайтаруды талап еткен ер адам ұсталды

ІІМ есірткі қылмысына қарсы іс-қимыл комитеті еліміздің барлық аумағында азаматтардың қауіпсіздігін қамтамасыз ету және есірткі қылмысына қарсы күрес үшін барлық қажет шараларды қабылдауды жалғастырып жатыр.