Алматы облысында мал ұрлығымен айналысқан қылмыстық топ ұсталды

25 ақпан 2025, 11:30 Авторға хат жазу قازاقشا Qaz

Аталған факті бойынша қылмыстық іс қозғалды.

Алматы облысының Жамбыл ауданында полиция қызметкерлері мал ұрлығымен айналысқан қылмыстық топты ұстады, деп хабарлайды Polisia.kz.

22 ақпанда Ұзынағаш ауылының тұрғыны полицияға шаруа қожалығының қорасынан бес жылқының ұрланғаны туралы арызданды. Беймәлім адамдар жәбірленушіге 5 миллион теңге көлемінде шығын келтірген.

"Жедел-іздестіру шаралары барысында полиция қызметкерлері 32 және 34 жастағы екі күдіктіні ұстап, қамауға алды. Ұрланған мал табылып, заңды иесіне қайтарылды", – деді полиция өкілдері.

Аталған факті бойынша қылмыстық іс қозғалды. Қазіргі уақытта құқық қорғау органдары ұсталғандардың басқа да осыған ұқсас қылмыстарға қатысы бар-жоғын тексеріп жатыр.

Оқи отырыңыз: 5 миллион теңге: Алматы облысында жасөспірімді қорқытқан бопсалаушылар ұсталды