Алматы облысында Қазақстандағы ең қарт әже дауыс берді

20 қараша 2022, 15:14 Авторға хат жазу قازاقشا Qaz

Қария 1911 жылы 2 сәуірде дүниеге келген.

Қазақстандағы ең қарт адам, Алматы облысы Іле ауданындағы Өтеген батыр ауылының тұрғыны 111 жастағы Нұржамал Мергенбаева сайлауда дауыс берді.

Нұржамал Мергенбаева 1911 жылы 2 сәуірде дүниеге келген. Соғыс жылдарында тылда еңбек еткен. Қазір қария төрт баладан 15 немере, 12 шөбере, 5 шөпшек сүйіп отыр.

Сондай-ақ, бүгін Қонаев қаласындағы №397 учаскелік сайлау учаскесінің мүшелері зейнеткер Мұқсын Қалдыбаеваға тасымалданатын жәшік алып келді. Ғасырға келген азамат өз үйінде дауыс беру құқығын пайдаланып, жас ұрпақтың да сайлауда белсенділік танытатынына сенім білдірді.