Алматы қаласының бірыңғай бейнемониторинг жүйесіне 45 мың камера қосылды

28 қазан 2024, 11:30 Авторға хат жазу قازاقشا Qaz

Бейне сигнал 603 мемлекеттік және 906 жеке нысандардан келеді.

Алматыда "Бірыңғай бейнемониторинг жүйесі" жобасын жүзеге асыру жалғасып жатыр. Қазір 603 мемлекеттік және 906 жеке нысанды ББЖ қосу жұмыстары жүргізіліп жатыр.

Бұл туралы қаланың цифрландыру басқармасы мен Алматы әкімдігінің жобалық кеңсесі хабарлады.

"Жобаның негізгі міндеті – қаладағы барлық бейнебақылау камераларын бір платформаға біріктіріп,түрлі тапсырмаларға арналған бейнеағындарды көп мәрте пайдалану және нақты уақыт режимінде бейне талдау қалыптастыру. Қазір мегаполисте 603 мемлекеттік және 906 жеке нысанды ББЖ-ға қосу жұмыстары жүргізіліп жатыр. Бірыңғай бейнемониторинг жүйесіне 45 мың бейнекамера қосылған", – делінген хабарламада.

Бейне талдау түтінді, отты, қалған заттарды, табиғи және техногендік сипаттағы төтенше оқиғаларды, киімді, жынысты және бет-әлпетті тану және т.б. негізінде қалыптасады.

Осы жылдың екінші тоқсанда "Сергек" зияткерлік қауіпсіздік жүйесінің қосымша 300 аппараттық-бағдарламалық кешені орнатылды.

Айта кетейік, қалада 9 034 бейнекамерадан тұратын 1 641 "Сергек" кешені жұмыс істеп тұр.