Алматыда 31 инвесторға салық негізсіз салынған

21 ақпан 2025, 18:23 Авторға хат жазу قازاقشا Qaz

Инвесторларға негізсіз төлеген ақшасы қайтарылды.

Алматыда 31 инвесторға салық негізсіз салынған. Бұл туралы қалалық прокуратура хабарлады.

Алматы қаласының прокуратурасы инвесторлардың жүйелі проблемаларын шешуде тұрақты жұмыс жүргізіп жатыр.

Осы қызмет аясында Алматы қаласындағы индустриялық аймақтың 31 қатысушысына (4,5 мың жұмыс орнын құру перспективасы көзделген 188,1 миллиард теңгенің жобаларын іске асыратын) жер телімдерін пайдаланғаны үшін 103 миллион теңге салық төлемдерінің негізсіз есептелгені анықталды.

"Мемлекеттік кіріс органдары салық кодексінің талаптарын және инвесторлардың индустриялық аймақтың басқарушы компаниясымен шарттарында көрсетілген талаптарды ескермеген, оларға сәйкес жер және мүлік салығының сомасы (оның ішінде жер учаскелерін пайдаланғаны үшін төлемдер) 100 % азаяды", – делінген хабарламада.

Алатау ауданы прокуратурасының қадағалау актісімен инвесторларға негізсіз төлеген ақшасы қайтарылды.

Оқи отырыңыз: Бектенов салық реформасы туралы: Бизнес пен экономиканың өсуіне жағдай жасауға міндеттіміз