Алматыда алғашқы қар жауды: Бір түнде қанша жол апаты болды

14 қараша 2024, 10:27 Авторға хат жазу قازاقشا Qaz

Ауа райының нашарлауына байланысты Алматыда патрульдердің саны артты.

Алматыда қолайсыз күн райынан бір түнде 52 жол апаты болды. Осыған байланысты тәртіп сақшылары жүргізушілер мен жаяу жүргіншілерге үндеу жасады.

Алматы полициясы қала жолдарындағы көлік қозғалысы жағдайын тұрақтандыру үшін қажет шараларды қолға алды.

"Қоғамдық тәртіпті сақтауға және жол қауіпсіздігін қамтамасыз етуге 262 патрульдік автокөлікте 611 полиция қызметкері кезекшілік етіп жатыр. Сағат 20:00-ден таңғы 06:00-ге дейінгі аралықта Жедел басқару Орталығына жол-көлік оқиғасы туралы 52 қоңырау келіп түсті, оның 18-і зардап шеккендер", – деді Алматы қалалық ПД жергілікті полиция қызметі басқармасы бастығының орынбасары Тимур Ноғайбаев.

Оқи отырыңыз: Қар, тұман, көктайғақ: Қазақстанда 13 қарашада ауа райы қандай болады

Сондықтан жүргізушілерді аса сақ болуға, жылдамдықты шектен асырмауға, тежегіш педалін қатты баспауға, ең бастысы, басқа жол қозғалысына қатысушыларды орындалатын маневр туралы алдын ала ескертуге шақырды.