Алматыда Димаш Құдайбергеннің муралы қайта қалпына келтірілді

13 наурыз 2023, 16:56 Авторға хат жазу قازاقشا Qaz

Қала тұрғындары жөндеу жұмыстарын жүргізуге қала әкімдігінің келісімін алды.

Алматыда қамқор азаматтардың бастамасымен Димаш Құдайбергеннің муралын қайта қалпына келтіру жұмыстары басталды, деп хабарлады "Алматы ақшамы" газеті.

Мурал 2020 жылы Сейфуллин мен Қабанбай батыр көшелерінің қиылысындағы үйдің қабырғасына салынған болатын. Авторы – алматылық суретші Батыр Сәдуақасов. Алайда 2022 жылы күзде әкімдік мурал салынған үйге жөндеу жұмыстарын жүргізген. Жөндеу барысында қабырға жабыны айтарлықтай бүлініп, сурет көмескі тартқан.

Оқи отырыңыз: Алматыда өрт сөндіруші бейнеленген жаңа мурал салынды

Қала тұрғындары муралды қалпына келтіруге қаражат жинап, жөндеу жұмыстарын жүргізуге қала әкімдігінің келісімін алды.