Алматыда жедел жәрдем қызметкерлеріне 12 шабуыл тіркелді

Жедел жәрдем қызметі тәртіпсіздіктерге байланысты шақырулардан басқа, барлық шұғыл өтініштерге уақытылы қызмет көрсетті, деп хабарлады Алматы қаласының тыныс-тіршілігін қамтамасыз етуді қалпына келтіру жөніндегі қалалық штаб.

Хабарламаға сүйенсек, жедел медициналық жәрдем қызметкерлеріне 12 шабуыл жасалып, екі жүргізуші мен үш фельдшер жарақат алған.

Тәртіпсіздік кезінде 32 жедел жәрдем автокөлігі зақымдалып, төрт автокөлік жарамсыз күйге түскен.

"Мәйітті тасымалдау және митингке жеткізу мақсатында үш көлік тәркіленіп, кейін кері қайтарылды",– деп жазылған хабарламада.