Алматыдағы тарихи-мәдени нысандарға да шабуыл жасалған

ҚР Мәдениет және спорт министрлігі мәдениет, архив, спорт, туризм нысандары бойынша келтірілген залалға талдау жүргізіп жатыр, деп хабарлады вдеомствоның баспасөз қызметі.

Елдің тарихи-мәдени мұрасының тізіміне енгізілген объектілердің жағдайы, келтірілген залал туралы ақпарат-нақтыланып, талдау жүргізілуде.

Лаңкестер Алматыдағы ҚР орталық мемлекеттік мұражайы мен ҚР Ұлттық кітапханасына шабуыл жасаған.

"Ғимараттардың терезелері мен кіреберісі зақымданған, есіктер сынған, бірақ қорлар мен мұрағаттар сақталған. Қызметкерлердің батылдығының арқасында бұл нысандардың басты мүлкін тонауға жол берілмеді", деп жазылған хабарламада.

Еске салайық, шетелге демалысқа кеткен қазақстандықтар елге астана әуежайы арқылы жеткізіледі.