АҚШ-та жолаушылар ұшағы тікұшақпен соқтығысып, өзенге құлады

30 қаңтар 2025, 10:23 Авторға хат жазу قازاقشا Qaz

Бортта 64 адам болуы мүмкін.

АҚШ-та Вашингтон әуежайына жақын жерде шағын ұшақ әскери тікұшақпен соқтығысып, өзенге құлады. Оқиға орнында құтқару қызметі жұмыс істеп жатыр, деп хабарлайды USA Today.

Апат Ақ үй мен Капитолийден оңтүстікке қарай төрт шақырымдай жерде орналасқан Рональд Рейган әуежайының маңында болды. Әуежай рейстерді уақытша тоқтатты.

Оқи отырыңыз: Бортта 161 жолаушы болған: Оңтүстік Кореяда тағы бір ұшақ апатты жағдайда әуежайға қайта қонды

Reuters агенттігінің хабарлауынша, апатқа ұшыраған ұшақ Канзас штатынан ұшып шыққан. Вичитадан Вашингтонға жоспарлы рейспен ұшып келе жатқан ұшақ қонуға келе жатқанда әуеде әскери тікұшақпен соқтығысты.

Әуе кемесінің түрі – Bombardier CRJ700, ол 78 жолаушыны қабылдай алады.