Ақтау маңындағы ұшақ апаты: Көлік министрлігі мәлімдеме жасады

16 қаңтар 2025, 17:14 Авторға хат жазу قازاقشا Qaz

Комиссия ресми дереккөзі жоқ ғаламторда жарияланған дерекке түсініктеме бермейді.

ҚР Көлік министрлігінің баспасөз қызметі әлеуметтік желіде пайда болған Ақтау маңындағы ұшақ апаты туралы түрлі нұсқаларға жауап берді.

Көлік министрлігі 2025 жылғы 16 қаңтарда жаңа мәлімдеме жасады.

"ҚР Көлік министрлігіне қарасты авиациялық оқиғаның себебін анықтау жөніндегі арнайы Комиссиясының жұмысы жалғасып жатыр. Алдын ала есеп жарияланғанға дейін Комиссия ресми дереккөзі жоқ ғаламторда жарияланған дерекке түсініктеме бермейді", – делінген хабарламада.

Естеріңізге сала кетейік, Комиссия ҚР заңнамасының талаптарына және ИКАО-ның 13-қосымшасының талаптарына сәйкес алдын ала есеп жариялайды. Онда тергеу барысы және тергеу нәтижесінде анықталған нақты ақпарат болады.

Оқи отырыңыз: Ақтаудағы ұшақ апаты: Әзербайжан құтқару операциясына қатысқан қазақстандықтарды марапаттады