Ақтөбе облысында 12 вагон "әлеуметтік" газ ұрлаған қылмыстық топ ұсталды

6 ақпан 2025, 16:12 Жазира Пірімқұл Авторға хат жазу قازاقشا Qaz

Олар есепке алынбаған газды жинақтап, кейін теміржол арқылы тасымалдаған.

Ақтөбе облысы полиция департаментінің ұйымдасқан қылмысқа қарсы күрес басқармасы кен орнының аумағынан "әлеуметтік" газ ұрлау схемасын ұйымдастырған бір топ адамды ұстады, деп хабарлайды Polisia.kz.

"Күдіктілергаз өндіру саласындағы компаниялардың бірінің жұмысшылары болып шықты. Олар есепке алынбаған газды жинақтап, кейін теміржол арқылы тасымалдаған. Кен орнынан сату орнына бара жатқан 12 вагон ұсталды", – деді ІІМ ұйымдасқан қылмысқа қарсы күрес департаментінің өкілі Қуандық Алпыс.

Оқи отырыңыз: Қылмыстық топ өзбек-қазақ шекарасында туннель арқылы заңсыз мұнай тасымалдаған

Тиісті сараптамалар тағайындалды, келтірілген шығынның сомасы анықталады.