Арман Сейітмамыт "Хабар" телеарнасына директор болып тағайындалды

11 желтоқсан 2023, 13:13 Авторға хат жазу قازاقشا Qaz

Ол еңбек жолын "Хабар" агенттігінде 1997 жылы бастаған.

Тележурналист, медиаменеджер Арман Сейітмамыт "Хабар" телеарнасының директоры болып тағайындалды. Бұл туралы телеарнаның баспасөз қызметі хабарлады.

2022 жылдың сәуір айынан бері бұл қызметті журналист Жайна Сламбек атқарып келеді.

Арман Сейітмамыт 1974 жылы 21 тамызда Алматы облысында дүниеге келген.

Ол агенттіктегі еңбек жолын 1997 жылы бастаған, содан бері тек оның құрылымында жұмыс істеп келеді. Әр жылдары "Хабар" телеарнасында жаңалықтар жүргізушісі, "24kz" телеарнасының бас редакторы, режиссері, бас продюсері, "Ел арна" телеарнасының директоры болды.

Оқи отырыңыз: Кемелбек Ойшыбаев "Хабар" агенттігінің басқарма төрағасы болып тағайындалды