"АрселорМиттал Теміртау" шахтасында тағы да өрт шықты

27 тамыз 2023, 11:16 Авторға хат жазу قازاقشا Qaz

Қаза болғандар мен зардап шеккендер жоқ.

27 тамызда түнде Қарағанды облысында "Саран" шахтасынан өрт шықты, деп хабарлады "АрселорМиттал Теміртау" баспасөз қызметі.

"АрселорМиттал Теміртау" компаниясына қарасты "Саран" шахтасында түнде өрт шыққан соң, арнайы құтқару тобының көмегімен барлық кенші аман-есен жер бетіне шығарылды.

"2023 жылғы 27 тамызда сағат 1.55-те "Саранская" шахтасынан өрт шығып, апатты жою жоспары енгізілді. Өрт сөндірілді. Барлық жұмысшылар жер бетіне шықты. Зардап шеккендер жоқ. Апат себептері мен мән-жайы анықталы жатыр", – деп мәлімдеді АрселорМиттал Теміртау баспасөз қызметі.

Оқи отырыңыз: "Қазақстан" шахтасындағы апатта қаза тапқан азаматтардың отбасына қандай көмек көрсетіледі

Еске сала кетсек, 17 тамыз күні Қарағанды облысындағы "Қазақстан" шахтасында өрт шығып, бес адам қаза тапты.