Астанадағы көлік кептелісі мәселесін тез арада шешу қажет – Тоқаев

Астана қаласының әкімі Жеңіс Қасымбек үкіметтің кеңейтілген отырысында ЛРТ құрылысы туралы баяндады.

"Қала бойынша күн сайын 1600-ден астам автобус жүреді. Соңғы екі жылда елорданың қоғамдық көлік паркі 45 пайызға жаңартылды. Сіздердің қолдауларыңыздың арқасында ЛРТ жобасы аяқталуға жақын. Жазда құрылыс жұмыстары толығымен аяқталады. Алғашқы пойыздар қыркүйекте келеді, содан кейін белсенді тестілеу басталады", – деді Жеңіс Қасымбек.

Президент Қасым-Жомарт Тоқаев Астана әкіміне қаладағы кептелісі мәселесін тез арада шешуді тапсырды. 

"Астанада көлік кептелісі мәселесі әлі күнге дейін өзекті болып келеді. Бұл салада шұғыл шаралар мен шешімдер қабылдау қажет", – деді президент.

Айта кетейік, бүгін президенттің қатысуымен үкіметтің кеңейтілген отырысы өтіп жатыр. Отырыста президент қала әкімі Жеңіс Қасымбектің жұмысына оң баға берді.