Астананың сегіз тұрғыны терроризм үшін сотталды

17 мамыр 2024, 18:23 Авторға хат жазу قازاقشا Qaz

Топ басшысы Сириядағы лаңкестерге қаржылай көмек ұйымдастырған.

Сот үкімімен астананың 8 тұрғыны террористік қызметпен айналысқаны үшін 7 жылдан 20 жылға дейін бас бостандығынан айыруға сотталды. Бұл туралы Астана қаласының прокуратурасы хабарлады.

Террористік топтың қатысушылары Сирия аумағына қоныс аударуды және Қазақстанда басқарудың теократиялық жүйесін орнату қажеттілігін талқылаған.

"Бұл топтың жетекшісі Сириядағы соғыс қимылдарын жүргізетін террористік ұйымды қаржыландыруды ұйымдастырған. Мемлекеттік айыптаушымен сотталушылардың кінәсі дәлелденді", – деп жазылған хабарламада.

Оқи отырыңыз: Қазақстанда америкалық 600 компания жұмыс істейді. АҚШ бизнесті дамытуға неге мүдделі?

Астана қаласының прокуратурасы исламдағы радикалды идеяларды насихаттайтын интернет-сайттар мен орындарға барудан сақтануға шақырады.