"Атырау жастары" ипотекасына өтініш беру 1 ақпанда басталады

Өңірлік "Атырау жастары" ипотекалық бағдарламасы бойынша өтініш қабылдау 1 ақпанда басталып, 20 ақпанға дейін жалғасады, деп хабарлайды Отбасы банкінің баспасөз қызметі. 

Бағдарламаға кімдер қатыса алады? Бұл ипотека бағдарламасына 18-35 жас (қоса алғанда) аралығындағы келесі сала мамандары қатысады:

• денсаулық сақтау;
• білім беру;
• мәдениет;
• спорт;
• ЖОО және ғылыми-зерттеу институты;
• журналистер;
• әлеуметтік сала қызметкерлері;
• коммуналдық салалар;
• ата-ана қамқорлығынан айырылған, тұрғын үй кезегінде тұрған жастар;
• мемлекеттік қызметкерлер.

Ескерту: техникалық және әкімшілік персонал өтініш бере алмайды. 

Оқи отырыңыз: 7-20-25 бағдарламасы аяқталуға жақын. Үкімет ұсынған жаңа ипотека шарттары қандай?

Бағдарламаның шарттары қандай?

• Бастапқы жарна – 10%;
• Несие мөлшерлемесі – 5%;
• Несие мерзімі – 19 жыл;
• Атырау қаласы бойынша максималды сумма – 18 млн тенге (өңір аудандарында – 13 млн тенге);
• Үй кезегінде болу міндетті емес, бірақ соңғы 5 жылда үміткердің және отбасы мүшелерінің атында да үй болмауы керек;
• "Отбасы" банкінде депозитінің болуы міндетті;
• Отбасының бір мүшесіне шаққандағы соңғы 6 айдағы табыс ең төмеңгі күнкөріс деңгейінің 6,3 есесінен аспауы тиіс.

Өтініштерді қала және аудандағы тұрғын үй-коммуналдық шаруашылық басқармасы қабылдайды. 

Мекенжайы: Атырау қаласы, Азаттық даңғылы, 101А, 3 кабинет.

Оқи отырыңыз: Жаңа ипотека: Қазақстандық отбасылардың цифрлық портреті жасалады

Еске салайық, бұған дейін Атырау облысында "Атырау жастары" жаңа тұрғын үй бағдарламасының іске қосылатыны туралы хабарлаған болатынбыз.