Атырауда балабақшада балаларды ұрған тәрбиешінің ісіне қатысты қылмыстық іс қозғалды

Атырауда балабақшада балаларды ұрған тәрбиешінің ісіне қатысты қылмыстық іс қозғалды, деп хабарлайды "Ақ Жайық".

15 қаңтарда әлеуметтік желіде Атыраудағы "Зейнеп Әмина" балабақшасында болған оқиғаның видеосы тарады. Роликте тәрбиеші баланы ұрып жібергені көрсетіледі. 

Баспасөз қызметінің мәліметінше, оқиға балабақшаның дайындық тобында болған. Полиция бұл деректі растады. 

"Оқиға 15 қаңтарда Атыраудағы балабақшалардың бірінде болған. Қылмыстық іс қозғалды, кешенді тергеу жұмыстары жүргізіліп жатыр", – дейді полицейлер.