Атыраулық компания экологияға зиян келтіргені үшін 923 млн теңге айыппұл арқалады

13 қазан 2023, 10:50 Авторға хат жазу قازاقشا Qaz

Сот қаулысы заңды күшіне енді.

Атырау облысының мамандандырылған табиғат қорғау прокуратурасы "Жылыой Болашақ" ЖШС рұқсат құжаттарынсыз мұнай шламдарын жинақтау бойынша қызметті жүзеге асырғанын анықтады. Бұл туралы Атырау облысы прокуратурасының баспасөз қызметі мәлімдеді.

2022 жылдан бастап қауіпті қалдықтарға жатқызылған 477 тонна мұнай шламы жинақталған.

Осы факті бойынша "Жылыой Болашақ" ЖШС-ға сот 923 млн теңге көлемінде әкімшілік айыппұл салды. Сот қаулысы заңды күшіне енді.

Оқи отырыңыз: Қоғамдық орында балағат сөз айтқан Астана тұрғынына 69 мың теңге айыппұл салынды.