Автонесие бағдарламасына бастапқы жарна енгізу қаншалықты заңды? Заңгер жауабы

4 мамыр 2023, 12:20 Авторға хат жазу قازاقشا Qaz

Азаматтар 15 пайызын төлесе, келесі кезекте тұрған азаматтарға көлік алу мүмкіншілігі молаяды

Жеңілдетілген автонесие бағдарламасына енгізілген өзгерістердің тиімділігі туралы заңгер Айыпхан Мұхамадиев 31-арнаның "Информбюро" ақпараттық бағдарламасында айтып берді.

Оның айтуынша, жоба ақша үнемдеу саясатынан туындап отыр. Азаматтар 15 пайыз төлейтін болса, мемлекетке де қосымша ақша пайда болады.

"Бұл әзірше халықтың талқылауына жоба ретінде ұсынылды. Алғашқы 10-15 пайыз жарна төлеу Үкіметтің ақша үнемдеу саясатынан болып отыр. Азаматтар 15 пайызын төлейтін болса, онда келесі кезекте тұрған азаматтарға көлік алу мүмкіншілігі молаяды. Өйткені, келесі көлік алушыларға ақша тез жиналады әрі мемлекетке қосымша ақша пайда болады. Сондықтан, тиімді жоба деп айтар едім. Дегенмен, бұл бағдарлама кез келген уақытта тоқтап, жойылуы да мүмкін. Мұны мемлекет шешеді" – деді заңгер.

Оқи отырыңыз: 4 пайыздық автонесие қашан басталады? Бағдарламаға көлік пен жалақы сомасына қатысты өзгерістер енгізіледі

Сондай-ақ, ол сақтандыру шартымен де таныстырды.

"Кез келген несие барлық жағынан сақтандырылады. Бұл бағдарламада да сақтандыру шарты бар. Егер азамат төлей алмаса, осы көлік кепілдік болып саналады. Мемлекет оның көлігін заңды түрде өзіне қайтарып алуға құқығы бар", – деді Айыпхан Мұхамадиев.

Оқи отырыңыз: Жеңілдетілген автонесие бағдарламасы: 195 жүргізуші 1,7 млрд теңгеге көлік мінді