Банкте кепілдікте пайдаланылмай тұрған ауыл шаруашылығы жерлері мемлекетке қайтарылады

Банкте кепілдікте пайдаланылмай тұрған ауыл шаруашылығы мақсатындағы жер телімдері мемлекетке қайтару жұмысы күшейеді. 31 арнаның Информбюро ақпараттық бағдарламасының хабарлауынша, бұл туралы Ауыл шаруашылығы министрлігі Жер ресурстарын басқару комитетінің төрағасы Мұрат Теміржанов мәлімдеді.

Бас инспектор жер ресурстарын басқару департаменттеріне екінші деңгейлі банктердің кепіліндегі, сондай-ақ, олардың меншігіне немесе жер пайдалануына өткен ауыл шаруашылығы мақсатындағы, пайдаланылмай жатқан жерлерді мәжбүрлеп алып қою шараларын күшейтуді тапсырды.

Маманның мәліметінше, Жер кодексінің 92, 93-баптарына сәйкес, бос жатқан ауыл шаруашылығы жерлері анықталғаннан кейін, бір жыл бойы мақсатқа сай пайдаланылмаса, мемлекет мәжбүрлі түрде алып қоюға құқылы. Ал екінші деңгейлі банктердің кепілінде тұрған жерлерді банк меншік құқығына ие болғаннан кейін 6 ай ішінде мәжбүрлі түрде ала алады.

Оқи отырыңыз: 

• Ауыл шаруашылығы жерлерін сатуға мораторийді 2027 жылға дейін ұзартатын заң жобасы Мемлекет басшысына жолданды
• Президент ауыл шаруашылығы жерлерін шетелдіктерге сатуға тыйым салатын заңға қол қойды
• Ақтөбеде Өрлеу ауылының мал жайылымына жер таппай қиналған тұрғындары бас көтерді