Бокстан ерлер командасының бапкерлік құрамы толығымен жұмыстан шеттетілді

15 тамыз 2024, 09:16 Авторға хат жазу قازاقشا Qaz

Жаңа бапкерлік құрам кейінірек таныстырылады

Париж Олимпиадасының қорытындысы бойынша кеңес өтіп, бокстан ерлер командасының бапкерлік құрамы толығымен жұмыстан шеттетілді, деп хабарлады Қазақстан бокс федерациясы.

Қазақстан бокс федерациясының шешімі ҚР Дене шынықтыру және спорт істері бойынша комитетімен мақұлданды.

Осылайша, Бас жаттықтырушы Мырзағали Айтжанов және бапкерлік құрамдағы 10 маман, ҚБФ вице-президенті Азиз Қожамбетов қызметтен босатылды.

Оқи отырыңыз: Бокс Олимпиада ойындарынан алынуы мүмкін

Ал Қазақстанның еңбек сіңірген жаттықтырушысы Тұрсынғали Еділов Қазақстан бокс федерациясы президентінің кеңесшісі қызметіне тағайындалды.

Жаңа бапкерлік құрам кейінірек таныстырылады.