Дәурен Абаев Қазақстанның Ресейдегі елшісі болып тағайындалды

3 шілде 2023, 09:06 Авторға хат жазу قازاقشا Qaz

Бұған дейін ол ТМД бас хатшысының орынбасары болды.

Мемлекет басшысының жарлығымен Дәурен Әскербекұлы Абаев Қазақстан Республикасының Ресей Федерациясындағы төтенше және өкілетті елшісі лауазымына тағайындалды, деп хабарлады Ақорда сайты.

Дәурен Абаев 1979 жылы Алматы облысында дүниеге келген. 2001 жылы әл-Фараби атындағы Қазақ ұлттық университетін "халықаралық құқық" мамандығы бойынша, ал 2006 жылы Лейден университетін тәмамдаған.

Әр жылдары Президент әкімшілігі басшысының бірінші орынбасары, ақпарат және қоғамдық даму министрі, мәдениет және спорт министрі қызметтерін атқарды.

2023 жылғы 7 наурыздан бері Дәурен Абаев ТМД бас хатшысының орынбасары болды.