Дәурен Абаев ТМД бас хатшысының орынбасары болып тағайындалады

Дәурен Абаев Тәуелсіз мемлекеттер достастығы бас хатшысының орынбасары болып тағайындалады. Ақпаратты Сыртқы істер министрлігінің баспасөз қызметі растады.

"Ол ТМД бас хатшысының орынбасары болып тағайындалады. 7 наурызда Минскіге ұшады. Ол Қазақстандағы өкіл Бекетжан Жұмахановтың орнына тағайындалады", – деді сыртқы істер министрлігінің баспасөз хатшысы Айбек Смадияров.

Дәурен Абаев 1979 жылы Алматы облысында дүниеге келген. 2001 жылы әл-Фараби атындағы Қазақ ұлттық университетін халықаралық құқық мамандығы бойынша, 2006 жылы Лейден университетін (Нидерланды) бітірген.

2022 жылдың қаңтарынан 2023 жылдың қаңтарына дейін мәдениет және спорт министрі болды. Әр жылдары президент әкімшілігі басшысының бірінші орынбасары, ақпарат және әлеуметтік даму министрі қызметін атқарған.