Депутат шетелдік тіркеуі бар көліктерді заңдастыру уақытын ұзартуды ұсынды

3 мамыр 2023, 14:43 Авторға хат жазу قازاقشا Qaz

Үкімет отырысында премьер–министрдің бірінші орынбасары Роман Склярға осы мәселеге байланысты сауал жолдады.

Мәжіліс депутаты Наурыз Сайлаубай шетелдік тіркеуі бар көліктердің заңдастыру уақытын бекіткенге дейін мерзімін ұзартуды ұсынды. Депутат Үкімет отырысында премьер-министрдің бірінші орынбасары Роман Склярға осы мәселеге байланысты сауал жолдады.

"Өздеріңіз білетіндей, біздің елде 30 жыл жүрген ескі көліктің бағалары шарықтап тұр. Мысалы, екі-үш жыл бұрын "Toyota Camry 20" автокөлігі 2 млн теңге тұрса, қазір 4 млн теңгеге жетті. Себебі6 сатып алған ескі көліктің бағасы жыл өткен сайын қымбаттауда. Ал өзімізден құрастырылып шыққан автокөліктер қарапайым азаматтарға қолжетімсіз, бағасы сапасына сай келмейді. Шетелден ресми түрде сатып алайын десе, утилизациялық алым мен бастапқы тіркеу алымы мөлшерлемесінің құны көлік бағасынан да асып жатыр" – деді депутат.

Оқи отырыңыз: Қазақстан қалаларында шетелдік көлік тізгіндеген жүргізушілер нарызылық білдірді

Осыған қатысты депутат тосқауыл қою үшін қандай шаралар қабылданды, шетелдік тіркеуі бар автокөліктердің қаншасы мемлекеттік тіркеуден өте алмағаны туралы бірнеше сауалға жауап беруін сұрады.

"Сондай-ақ, шетелдік тіркеуі бар көліктерді заңдастыру уақытын, шекарамыздан заңсыз кіретін көліктерді өткізбеудің амалдарын тауып, нақты шарттарын бекіткенге дейін ұзартуды ұсынамыз. Себебі, бұл көлік иелерінің арасында жалғызбасты аналар, көпбалалы және мүмкіндігі шектеулі бала асырап отырған отбасылар, мүмкіндігі шектеулі жандар мен 35-ке дейінгі жастар бар" – деді Наурыз Сайлаубай.

Оқи отырыңыз: Шетелдік көліктерді заңдастырмаған жағдайда қандай жаза қолданылады?