Димаштың әндері Чили радиосында бір ай бойы эфирге шығады

6 маусым 2023, 09:00 Авторға хат жазу قازاقشا Qaz

Оның әндері таңғы 7-ден 10-ға дейін шырқалады.

Димаш Құдайбергеннің әндері маусымда күн сайын Чили радиосында бір ай бойы таратылады. Бұл туралы dimashnews.com сайты хабарлады.

Чили радиостанциясында қазақстандық әншіге арналған алғашқы эфир өткен жұмада, 2 маусымда өтті. Бұл эфир Dimash Latin Dears фан-клубының Димаш жанкүйерлерінің қолдауының арқасында жарыққа шыққан.

Маусымда оның композициялары күн сайын таңғы 7-ден 10-ға дейін эфирге шығады.

"Біз Димаштың әндері Чили радиосында ұзақ уақыт бойы шырқалатынына өте қуаныштымыз! Сонымен қатар, Димашқа арналған бағдарламада тек әндер ғана емес, Dears-тің құттықтаулары мен әртістің шығармашылық өмірбаяны баяндалады!", – деді Dimash Latin Dears.

Оқи отырыңыз: "Бұл – туған күніме арналған шығарма". Димаш Құдайбергеновтің жаңа бейнебаяны жарық көрді