Екі мегаполисте үш ірі есірткі зертханасы анықталды

Астана және Алматыда Ұлттық қауіпсіздік комитеті полициямен бірлесіп, прокуратура органдарының үйлестіруімен үш ірі есірткі зертханасын жойды, деп хабарлады ҰҚК баспасөз қызметі.

Аталған қылмысты жасады деген күдікпен Қазақстанның сегіз азаматы ұсталып, қамауға алынды.

"Тінту барысында 93 кг-нан астам синтетикалық есірткі, кристалдану сатысындағы 70 литр мефедрон, сонымен қатар 255 кг прекурсор мен зертханалық жабдықтар алынды", – деп жазылған ҰҚК баспасөз қызметі таратқан хабарламада.

Тәркіленген есірткінің құны "қара" нарықта 2 миллиард теңгеден асуы мүмкін.

Қылмыстық кодекстің 297-бабы бойынша сотқа дейінгі тергеу жүргізіліп жатыр.

Қылмыстық-процестік кодекстің 201-бабының 1-бөлігіне сәйкес өзге ақпарат жария етілмейді.