Елімізде жалған техбайқау құжаттары жойылады

24 шілде 2023, 18:22 Авторға хат жазу قازاقشا Qaz

Былтыр заңсыз қызмет көрсеткен 168 оператордың рұқсаты жойылған.

Жалған тексеру белгілері анықталған техникалық байқаудың диагностикалық карталары жойылады. Бұл туралы "Ұлттық ақпараттық технологиялар" АҚ Басқарма Төрағасы Ростислав Коняшкин мәлімдеді.

"Жаңа ереже бойынша диагностикалық картадан бас тарту кезінде автокөлік иесіне техникалық байқаудан қайта өту қажеттігі туралы SMS хабарлама келеді", – делінген Qazaqstan.tv ақпаратында.

Оқи отырыңыз: Қазақстандықтар пәтерінің техникалық паспортын ауыстыруы тиіс. Ол үшін не қажет?

Демек, техникалық тексерістен өткен орталықтың жұмысы тоқтатылды деген сөз.

Былтыр заңсыз қызмет көрсеткен 168 оператордың рұқсаты жойылған. Ал техникалық байқаудан уақытылы өтпегендер 5 айлық есептік көрсеткіш немесе 17 250 теңге көлемінде айыппұл төлеуге міндеттеледі.