Ердоған: Түркия Израильмен қарым-қатынасты толық үзді және оны енді қайта жалғамайды

Түркия басшысы Режеп Тайып Ердоған өз елі мен Израиль арасында қазір ешқандай байланыс жоқ екенін растап, енді келешекте де өзара байланыс орнатпайтынын мәлімдеді, деп хабарлады TRT Haber телеарнасы. 

Сондай-ақ, Режеп Тайып Ердоған Түркия Израильге халықаралық құқық негізінде қысымды күшейтуге барын салатынын және мәжбүрлеу арқылы соғысты тоқтатуға күш салатынын мәлімдеді. 

"Қазіргі таңда біз, Түркия Республикасы мемлекеті және үкіметі, Израильмен қарым-қатынасты үздік. Біздің арамызда ешқандай байланыс жоқ және болашақта да біз байланысты жолға қою бағытында ешқандай шара қолданбаймыз", – деді Режеп Тайып Ердоған. 

Түркия басшысының айтуынша, Түркия Газа секторындағы қантөгіске қатысты мәлімдемелер жасап, Израильге қарсы батыл шаралар қолданған жалғыз ел болды. 

Оқи отырыңыз: Ердоған Қазақстанды ортақ түркі әліпбиіне көшу бойынша шешім қабылдауға шақырды