Итбалық пен "Қызыл кітапқа" енген балықтарды аулауға рұқсат берілмек. Ол не үшін қажет

"Ашық НҚА" порталында жарияланған үкімет басшысы қаулысының жобасына сәйкес, Қазақстанның су айдындарынан Каспий итбалығы мен сирек кездесетін балықтарды белгілі мөлшерде алуға рұқсат берілгелі отыр. Аулау шараларымен ғылыми және ғылыми-техникалық қызмет субъектілері ретінде аккредиттелген заңды тұлғалар ғана айналыса алады. 

Қандай су жануарлары ауланады?

• 156 дарақ Каспий итбалығы (кейін табиғи мекеніне жіберіледі);
• 500 келі Арал пілмайы (жасанды жолмен молықтыру мақсатында);
• 300 келі Арал қаязы (жасанды жолмен молықтыру мақсатында);
• 600 келі таймен (жасанды жолмен молықтыру мақсатында);
• 400 келі ақбалық (жасанды жолмен молықтыру мақсатында).

Аулау шаралары 1 наурыз бен 1 желтоқсан аралығында ұйымдастырылады және ауланған су жануарлары үшін төлемақы төленеді. 

Оқи отырыңыз: Каспий итбалығы Қызыл кітапқа енді. Бұл оны жойылып кетуден құтқара ма?