Қазақстан Қырғызстанға дизельдік отын түріндегі гуманитарлық көмекті көбірек жіберді

5 наурызда Қырғызстан Қазақстаннан 1000 тонна дизельдік отын көлеміндегі гуманитарлық жүкті алды, деп хабарлайды ҚР Төтенше жағдайлар министрлігі.

Бұған дейін 29 ақпанда Қазақстан Қырғызстанға 1000 тонналық бірінші партия жіберген болатын. Көрші мемлекетке көмек Президент Қасым-Жомарт Тоқаевтың тапсырмасы бойынша және Қазақстанның халықаралық даму агенттігі Kazaid көмегімен көрсетілуде.

"Ыстықкөл облысындағы Балықшы стансасына 1000 тонна көлемінде дизельдік отынның екінші партиясы жөнелтілді", – деп жазылған Төтенше жағдайлар министрлігінің хабарламасында.

Олар Бішкек жылу электр орталығында болған оқиғадан кейін көмек көрсетуді ұйғарды. Еске сала кетейік, 2 ақпанда түнде Бішкек жылу орталығында апат болып, бес адам зардап шекті.

Оқи отырыңыз: Астанада сатып алу құқығынсыз жалға берілетін тұрғын үйді кімдер алады?