Қазақстанда бала туу жасы заңмен бекітілмек

Қазақстанда бала туу жасы заңмен бекітілмек, деп хабарлады 31 арнаның Информбюро ақпараттық бағдарламасы.

Демек, 15 пен 49 жас аралығы қыз-келіншектер "репродуктивті жаста" болып саналады.

Және бұл ұғым Халық денсаулығы және денсаулық сақтау жүйесі кодесіне енгізіледі.

Бірақ "Информбюро" порталына жауап берген мамандар бала туу жасының болашақта нақты неге әсер ететіні жөнінде ашып айтпаған.

Ал Денсаулық сақтау министрлігінің мәліметінше, 42 жастан кейін қыз-келіншектердің босануы қиындайды. Мұны клиникалық тәжірибе көрсеткен.

Мәселен, жыл сайын репродуктивті клиникаға 49 жастан асқан 25-30 әйел жүгінеді екен. Бұл әйелдер 10-12 жыл бұрын қатырып қойған жұмыртқа клеткасын қолданады немесе экстракорпоральды ұрықтандыру жасайды.

Өткен жылы ЭКО-ның қызметіне 28 әйел жүгініп, оның жартысы босаныпты.