Қазақстанда онлайн несие рәсімдеу қиындайды

26 шілде 2023, 14:31 Авторға хат жазу قازاقشا Qaz

Бұрын қарыз алғысы келген адам сайтқа тіркеліп, жеке куәлігін көрсетсе, сол жететін еді. Бұдан былай ол өзінің жеке басын куәландыруы керек.

Қаржы нарығын реттеу және дамыту агенттігі электрон тәсілмен шағын несие беру қағидаларына түзетулер ұсынды. Бұл туралы 24.kz хабарлады.

"Енді берешекті сіздің атыңыздан бәзбіреудің рәсімдегені сотта дәлелденсе, сіз жауапкершіліктен босатыласыз. Одан бөлек, онлайн несие рәсімдеу қиындайды. Бұрын қарыз алғысы келген адам сайтқа тіркеліп, жеке куәлігін көрсетсе, сол жететін еді. Бұдан былай ол өзінің жеке басын куәландыруы керек", – делінген ақпаратта.

Оқи отырыңыз: Рекорд: Маусым айында қазақстандықтар 800 млрд теңге тұтынушылық несие алды

Жеке басты куәландыру үшін биометриялық сәйкестендіру, электрондық цифрлық қолтаңба, екі факторлы аутентификация талап етіледі.

Оқи отырыңыз: Қазақстандықтар табысын азық-түлік пен несие төлеуге жұмсайды

Жоба 8 тамызға дейін талқыланады.