Мәжіліс депутаттары Тұңғыш президент күнін мемлекеттік мерекелер қатарынан алып тастауды ұсынды

Мәжіліс депутаттары 1 желтоқсан – Тұңғыш президент күнін мемлекеттік мерекелер қатарынан алып тастауды ұсынды. Бұл туралы "Қазақстан Республикасындағы мерекелер туралы" заңға ұсынылған түзетулерде жазылған. 

"1 желтоқсан – Тұңғыш Президент күнін мерекелеуді Мемлекеттік рәміздер күні, Алғыс айту күні және қоғамдық маңызы жоғары әлеуеті бар өзге де күндер сияқты, оны мемлекеттік мерекелер қатарынан алып тастау арқылы айқындау ұсынылады", – деп жазылған заңға енгізілген түзетулерде.

Сонымен қатар түзетулер қатарында:

• 25 қазанды Ұлттық мереке – Республика күні ретінде айқындау;
• 16 желтоқсан – Тәуелсіздік күнін мемлекеттік мереке ретінде белгілеу ұсынылған.

Оқи отырыңыз: 

• Президент Республика күніне ұлттық мереке мәртебесін қайтаруды ұсынды
• Сенат депутаты Астана күнін мерекелеу датасы өзгеруі мүмкін екенін айтты